Finaliza a microcredencial universitaria en Servizos de Limpeza

O pasado venres, finalizou a microcredencial universitaria en Servizos de Limpeza, unha das accións formativas incluídas no proxecto formativo de Microcredenciais Universitarias, desenvolvido en colaboración coa Oficina de Igualdade de Xénero da USC. A formación tivo lugar ao longo desta semana na Facultade de Ciencias do Campus Terra, onde as participantes adquiriron competencias fundamentais en limpeza profesional.

Esta proposta forma parte da aposta da USC por impulsar unha nova oferta de microcredenciais orientadas á recalificación da poboación adulta, mediante programas breves, flexibles e modulares que responden ás demandas actuais do mercado laboral e favorecen a adquisición de habilidades profesionais específicas.

 

Tamén é destacable a excelente acollida por parte do persoal das distintas facultades onde se están desenvolvendo estas microcredenciais, facilitando espazos, recursos e un clima de colaboración que contribúe ao éxito do proxecto.