ESTE NADAL, FAGAMOS QUE TER UNHA VIDA DIGNA DEIXE DE SER CUESTION DE SORTE

No Nadal celebramos o nacemento do Fillo de Deus e, con El, renacen en nós a bondade, a humanidade e a capacidade de perdoar e amar, recuperando a nosa dignidade de fillos e fillas de Deus.

Ter unha vida digna, acceso aos dereitos humanos, vivir en paz, con seguridade, fogar, emprego, educación e saúde non debería depender da sorte.

Esa dignidade, que nos fai iguais, québrase cando deixamos de recoñecer a dos demais: cando vulneramos os seus dereitos, limitamos a súa liberdade ou miramos para outro lado.

Por iso, en Cáritas queremos un Nadal no que vivir con dignidade sexa unha elección, non un azar; un Nadal que nos leve a tomar conciencia e a preparar de verdade a nosa casa, máis alá de decorala.