Con motivo do día 25 de Novembro, día internacional pola eliminación da violencia que se exerce contra as mulleres, Aliad Utreia, Cáritas de Lugo e Cruz Vermella unímonos tomando o espazo público e convocando aos centros educativos da nosa cidade para mobilizarnos un ano máis contraa violencia machista, facendo visible que a trata das mulleres con fins de explotación sexual, é un xeito máis desa violencia.
Queda moito que facer, o principal é educar na igualdade para que os rapaces non conciban a posibilidade de alugar mulleres e as rapazas non se vexan atraídas polas novas formas de cosificación e explotación sexual que están tan presentes nas redes sociais.
Cremos que é imprescindible que a nosa sociedade rexeite e se manifeste contra a comercialización e a Trata de mulleres e nenas en todas as súas formas.
Hoxe os rapaces co seu movemento, quixeron lembrar como mulleres e nenas en todo o mundo son mercantilizadas, vítimas de trata e da explotación, nun mercado global onde a súa liberdade está restrinxida, a súa voz silenciada e as súas vidas golpeadas e apagadas.
Hoxe os rapaces co seu movemento, quixeron lembrar como mulleres e nenas en todo o mundo son mercantilizadas, vítimas de trata e da explotación, nun mercado global onde a súa liberdade está restrinxida, a súa voz silenciada e as súas vidas golpeadas e apagadas.
En Cáritas queremos un mundo que sexa a casa común onde todos e todas sintámonos parte da Humanidade.
Queremos dar as grazas aos Colexios Josefinas, Maristas, Divino Maestro, Franciscanos, Divina Pastora e ao alumnado e á escola de baile MAGIE DANCE pola vosa participación e movemento hoxe aquí.
Queremos dar as grazas por non caer na indiferenza, por comprometervos e tomar unha posición ao decir, NON Á VIOLENCIA CONTRA A MULLER, NON A TRATA E A EXPLOTACIÓN.
